អស់លោកអាជ្ញាធរនិងសមត្ថកិច្ចសង្កាត់ស្ទឹងត្រែង សង្ស័យត្រូវថ្នាំសណ្តំរបស់មេបនល្បែងស៊ីសងបើសង្វៀនបញ្ចូលមាន់និងអាប៉ោងអស់ហើយទេដឹង ទើបនាំគ្នារក្សាភាពស្ងៀមស្ងាត់ ផ្គើននិងបទបញ្ជារបស់សម្តេចតេជោ និងក្រសួងមហាផ្ទៃ។

ខេត្តស្ទឹងត្រែង.មហាជនបានសំណូមពរដល់លោក អូច ស៊ីវុត្ដា ជាស្នងការនគរបាលខេត្តស្ទឹងត្រែង ជាពិសេស លោក ស្វាយសំអានជា អភិបាលគណៈអភិបាលខេត្តស្ទឹងត្រែង សូមមេត្តាជួយចាត់វិធានការតាមផ្លូវច្បាប់ ចំពោះទីតាំងល្បែងស៊ីសងសង្វៀនបញ្ជល់មាន់និងអាប៉ោងនៅក្នុងភូមិវិទ្យា គោស សង្កាត់ស្ទឹងត្រែងខេត្តស្ទឹងត្រែងភូមិមួយកន្លែង ដែលកំពុងតែលួចលាក់បើលេងយ៉ាងអនាធិបតេយ្យជាទីបំផុត ។

ក្នុងនោះអស់លោកអាជ្ញាធរនិងសមត្ថកិច្ច សង្កាត់ស្ទឹងត្រែងបាននាំគ្នារក្សាភាពស្ងៀមស្ងាត់ផ្គើននិងបទបញ្ជារបស់សម្តេចតេជោហ៊ុនសែន ស្តីពីការទប់ស្កាត់និងបង្ក្រាបបទល្មើសល្បែងស៊ីសង នៅទូទាំងរាជធានីខេត្ត ពិសេសមិនអនុវត្តន៌នូវគោលនយោបាយភូមិឃុំ មានសុវត្ថភាពរបស់ក្រសួងមហាផ្ទៃទៀតផង ។

សូមជម្រាបថា៖ កាលថ្ងៃទី ១៧ ខែកញ្ញា ឆ្នាំ ២០២២ កន្លងទៅថ្មីៗ​នេះ​ សម្ដេចតេជោ ហ៊ុន សែន នាយករដ្ឋមន្ត្រី​ នៃកម្ពុជា​ បានចេញ​បទបញ្ជា ដាច់ណាត់មួយ ឲ្យអភិបាលរាជធានីខេត្ត ទាំង ២៥ ខេត្តក្រុង ត្រូវបិទទីតាំងបនល្បែងសុីសង គ្រប់ប្រភេទ ទាំងអស់ឧ្យខាងតែបាន​ សម្តេច​តេជោ​ ហ៊ុន​ សែន បានបញ្ជាក់យ៉ាងច្បាស់ថា អាជ្ញាធរ​ស្រុក ក្រុង ខេត្តណា ដែលមិនទប់​ស្កាត់និងមិនបង្ក្រាប បទល្មើសល្បែងស៊ីសង នៅ​ក្នុងមូលដ្ឋានរបស់ខ្លួនទេ​ ! អាជ្ញាធរនិងសមត្ថកិច្ចទាំងនោះ និងត្រូវប្រឈមបាត់បង់តំណែងទៀតផង ។

ពាក់ព័ន្ធនិងជុំវិញករណី ល្បែងស៊ីសងសង្វៀនបញ្ជល់មាន់និងអាប៉ោងមួយកន្លែងខាងលើនេះ មហាជនបានដាក់ការសង្ស័យថា អស់លោកអាជ្ញាធរនិងសមត្ថកិច្ចសង្កាត់ស្ទឹងត្រែងអាចត្រូវថ្នាំសណ្តំពីមេបនល្បែងស៊ីសងបញ្ចូលមាន់និងអាប៉ោងខាងលើនេះអស់ហើយទេដឹង ទើបនាំគ្នារក្សាភាពស្ងៀមស្ងាត់ផ្គើននិងបទបញ្ជារបស់សម្តេចតេជោ និងក្រសួងមហាផ្ទៃ។